اخبار العرب من المحيط للخليج اخبار العرب من المحيط للخليج
علق الإعلامي أحمد شوبير حارس مرمى الأهلي ومنتخب مصر السابق على الحملة القوية من بعض مسؤولي الزمالك والإعلاميين في المنظومة الإعلامية لنادي الزمالك على البرتغالي جيسفالدو فيريرا المدير الفني للفريق الأبيض.
وقال أحمد شوبير في تصريحات إذاعية :«خسارة الزمالك من أسوان وقبلها التعادل مع المقاولون العرب وإنبي والمصري، خلت الناس في الزمالك ممكن يفتحوا ملف تدعيم الفريق من جديد في انتقالات يناير ويقوموا بضم لاعبين جدد يعني الزمالك قد يفكر في ميركتو شتوي».
وتابع شوبير :«سيبك من إن الزمالك يضيف أو ما يضيفش لكن اللي استغربت له إن فيه حملة قوية على فيريرا من بعض إعلامي الزمالك وبعض مسؤولي مجلس الزمالك، بدأوا يقولوا ديكتاتور أنت بتعمل كده ليه أسامة نبيه قام أكلم قولت له اقعد».
وأوضح شوبير :«على فكرة بتحصل عادي اللي عمله فيريرا مدير فني وبيقول سيبوني يا جماعة انا اللي هتكلم وأنا اللي بمشي المباراة وفقا للي شايفه».
وأردف :«وبعدين يرجعوا يقولوا احنا ساكتين ومين قال كده، وأحنا مساندين، هو أيه السبب في الهجوم ده، ما تقعدش تقول مساندين وانتوا بتهدوا الراجل، ومحدش يقول ما بيحصلش معررف مين الاعلاميين في قناة الزمالك اللي بيهاجموا فيريرا ومين المسؤولين في مجلس الإدارة اللي بيهاجموه برضه».
وكان طارق يحيى الإعلامي بقناة الزمالك قد شن هجوما عنيفا على فيريرا عقب خسارة الزمالك أمام أسوان في بطولة الدوري المصري.
